点解依家啲广州人唔钟意睇「依家啲」电视台？前面医完白内障

各位自己友，你上一次认真坐喺度睇电视，系几时嘅事？

上星期陪我妈子睇咗半个钟“依家啲”电视台，然后先发现以前好钟意睇嘅电视台，依家真系完全唔掂档，节目又尴尬又粗糙，我差啲想自插双目。

之所以越嚟越少人睇电视，除咗系因为网络视频崛起，更重要系“依家啲”电视台真系「周身刀，冇张利」。

?周身刀，冇张利：比喻人什么都懂一点，但都不精，没有一样是特长

So，今日就教大家如何形容电视好难睇！

一听依家啲电视台嘅配音就好似去咗人格分裂现场，部部剧就嗰几个配音员，同一个配音员有时配几个角色，抑扬顿挫几乎一模一样，「揦西」都不得了，仲要配音水平「半桶水」，完全唔入戏。

?揦西：性格得过且过，做事马虎大意

?半桶水：没有真才实干又自认了不起

依家啲电视台原创节目几乎都系「食老本」，家庭情景剧、时代情景剧都播到几千集，都仲系啲「古老十八代」嘅剧情，我乡下依家都唔兴啦！

?食老本：一直重复以往成功模式和思路，希望可以一直成功下去

?古老十八代：非常旧的；年代久远的

依家啲电视台广告「死咕咕」，呢边医完白内障，嗰边就嚟肾透支，一日循环播十几廿次，一播就十几分钟，我系睇电视定睇广告马拉松，简直丧心病狂「发钱寒」！

?死咕咕：毫无生气，死气沉沉或做人做事不懂变通

?发钱寒：指一些人眼中只有钱，为钱疯狂到不顾一切，不择手段

依家啲电视台深度节目做一档少一档，仅存嘅多数都系「生人唔生胆」，啲观点千篇一律地「唔臭米气」、「水过鸭背」，有时候觉得榕树头啲阿伯讲得更精彩咯！

?生人唔生胆：没有胆量，胆小怕事

?唔臭米气：比喻人年幼，不懂人情世故，不知世界艰难，想法不切实际

?水过鸭背：比喻事过之后没有留下一点痕迹，或听者没用心听

依家啲电视台仲试过「照板煮糊」抄其他台嘅综艺节目，桥旧制作烂，排场劲寒酸，「两头唔到岸」，真系睇到都「眼冤」，播完节目插白内障广告，系我见过最别致营销新手段！

?照板煮糊/照板煮碗：按照样板煮糊，比喻想都不想，按照旧有的做法做事

?两头唔到岸：船在艰辛两岸都靠不上，比喻事情进退两难，两边好处都没有得到

?眼冤：指一见到不想见的人或事物感到讨厌反感，看不顺眼

今日嘅晚间新闻讲紧前日嘅新闻，令我瞬间怀疑自己穿越或者未卜先知，「讲来讲去三幅被」，同互联网时代完全脱晒节，真系不如「望天打卦」！

?讲来讲去三幅被：比喻人们的言论来来去去都是那一套老调谰言，毫无新意

?望天打卦：望着天空占卜，比喻自己毫不作为，反而一切听天由命

过年搞个晚会，主持嘉宾来来去去就呢几个，一般人扮到「鬼五马六」，「整色整水」，同其他同等级电视台晚会比，真系「争天共地」。

?鬼五马六：乱七八糟，狡猾古怪，不正经

?整色整水：在别人面前装模作样，充门面

?争天共地：两者之间有天渊之别

虽然我明白崩口人忌崩口碗，但依家啲电视台做节目大安主义，不思进取，我怀疑自己系咪转错台，明明以前有咁多王牌节目，就算卖广告我都心甘情愿等10分钟，依家就算冇广告都顶唔到10分钟……

以前曾经几光辉都唔代表永恒，就好似某个永恒嘅亚洲嘅电视台，最后咪折埋咗！

无论做人定做节目，都应该要系泥水佬开门——过得自己过得人。

讲咗咁多，我唔系针对所有电视台，就系针对“依家啲”呢个电视台而已，切勿对号入座！

▲“依家啲”电视台

对于依家啲电视台，

你上一次睇佢系几时？

你有咩想对佢讲？

↓如果你得闲冇嘢做，不如点下呢度！